Engelsk flagg English

RESULTATLISTER 2018

Takk for i dag! Nok ein gong tøffe verforhold i fjellet, med tidvis snø og vind frå Vardehaugane til toppen. Difor valde vi å setje målgang like over Kårstadskaret, ca 720 moh. For konkurranseløparar var det då 7 km (lang) og 2 km (kort). Takk for innsatsen til deltakarar i både mosjon og konkurranse - ca 320 registrerte. Takk også til alle funksjonærar i alt frå sekretariat, buss, parkering, sanitet, tidtaking, løypevakter, drikkestasjonar og meir til, utan desse er ikkje arrangementet mogleg å få til. Resultatlister for konkurranse lang finn de her og for konkurranse kort her.

Arrangementskomiteen

VELKOMEN TIL STOREHESTEN OPP 25. AUGUST

Laurdag går startskotet for årets Storehesten Opp. Du kan no melde deg på eller hente startnummer i sekretariatet på Sveen i Bygstad (ved start konkurranseklasse), anten fredag kveld mellom 18.30 - 20, eller laurdag frå kl. 08.00. Første buss laurdag går kl. 08.30 for mosjonsklassa. Starttid konkurranse er 12.09 både på lang og kort løype. Kort løype tek buss til Stølshaugane, siste buss går kl. 11.30, men om ein vil rekke å varme opp litt bør ein gjerne planlegge litt før.

Vel møtt!
Arrangementskomitèen

Storehesten Opp 25. august 2018

Arrangementskomiteen har vedteke å flytte Storehesten Opp til 25. august 2018. Mykje snø i fjellet har fleire gonger skapt utfordringar for oss, og med tanke på tryggleiken til deltakarane våre flyttar vi arrangementet vårt på permanent basis. Set av helga, og følg med på oppdateringar på facebooksida vår framover.

Merk at du må melde deg på innan 1. august for å få t-skjorte (endring frå tidlegare år).

Vel møtt!
Arrangementskomitèen

OVERSIKT REKORDTIDER

Konkurranse: John M. Sompol, 1.03.15 (2011) og Heidi Weng, 1.11.53 (2014).

Konkurranse kort frå Stølshaugane: André Haugsbø, 46.40 (2014) og Bodil Ryste, 56.11 (2015). 

Rulleski: Ole Martin Erdal, 9.21 (2015) og Bertine T. Lefdal, 12.53 (2015)

Ny løyperekord i både dame og herreklassen gir premie kr 50 000

Ein Jackpot for løyperekord (dame og herre) vart oppretta i 2015 av BILDELER FØRDE AS (kr 15000 i kvar klasse). I 2016 vart potten dobla av BILDELER FØRDE AS og REKNESKAP FJORDANE AS. I 2017 er det tillagt kr. 15 000 i både herre- og dameklassen av Bildeler Førde AS og Rekneskap Fjordane AS. I 2018 er det tillagt kr 5000 i både herre- og dameklassen av Bildeler AS og Rekneskap Fjordane AS. Totalt er difor Jackpot 2018 for ny løyperekord både i herre- og dameklassen kr. 50 000.

Vinnaren av konkurranseklassen i dame- og herreløypa får uansett tid pengepremie kr 5000.

FØLG OPPDATERINGAR PÅ FACEBOOK OG INSTAGRAM

Følg oss for jamlege oppdateringar på Facebook og litt mindre jamlege på Instagram @storehestenopp